Şriftin ölçülərini müəyyənləşdirin: 
Bu gün Mirzə Fətəli Axundov adına Azərbaycan Milli Kitabxanasında görkəmli xalq yazıçısı Mehdi Hüseynin anadan olmasının 100 illiyinə həsr olunan “Mehdi Hüseyn- 100” adlı kitab sərgisi keçirilib. Lent.az-ın məlumatına görə, ilk öncə tədbir iştirakçıları yazıçının əsərləri və onun haqqında yazılmış ədəbiyyatla nümayiş etdirilən sərgi ilə tanış olublar.
Milli Kitabxananın direktoru Kərim Tahirov görkəmli yazıçı haqqında danışıb, illər keçsə də Mehdi Hüseyn irsinin unudulmadığını deyib. Mədəniyyət və Turizm Nazirliyinin nəşriyyat reklamının təşkili və informasiya şöbəsinin müdiri Vaqif Bəhmənli isə yazıçının hərtərəfli biliyə və geniş əhatəli yaradıcılığa malik olan mübariz sənətkarlardan biri olduğunu söyləyib.
Bundan başqa, Akademik Teymur Bünyadov Mehdi Hüseyn yaradıcılığının Azərbaycan ədəbiyyatının inkişafında misilsiz xidməti olduğunu vurğulayıb.
Qeyd edək ki, sabah Azərbaycan Dövlət Musiqili Komedeya Teatrında M. Hüseynin 100 illik yubileyi ilə bağlı yubiley gecəsi keçiriləcək. Saat 18.00-da başlayacaq yubiley gecəsini Mədəniyyət və Turizm Nazirliyi düzənləyib.
Şərhlərə görə (0 göndərilib)
YENİLİKLƏR