Azərbaycan Respublikası Gəncliyə Yardım Fondunda Dünya Gənc Türk Yazarlar Birliyinin təşkilatçılığı ilə Oktay Hacımusalının “Oktaydan Əvvəl” və Günay Dağlının “Xoxan”adlı kitablarının təqdim törəni keçirildi. Tədbirdə Azərbaycanın tanınmış elm, sənət adamları iştirak edirdilər. .
Tədbiri giriş sözü ilə Dünya Gənc Türk Yazarlar Birliyi başqanı Əkbər Qoşalı acaraq hər iki yazarı təbrik etdikdən sonra onların yaradıcılığına nəzər salmağı, özəlliklə onların ortaya iddia qoymasının ədəbiyyatımızda sağlam rəqabətin formalaşması baxımından yararlı olacağını bildirdi.
Filoloq-alim Firidun Qurbansoy Oktay Hacımusalının kitabının adı ilə razılaşmadığını bildirsə də, onun istedadlı yazar kimi ədəbiyyatımızda öz imzası olacağına inamını ifadə etdi.
Tarix elmləri doktoru Güllü Yoloğlü belə gənclərlə dəstək olmaq və onların fəaliyyətlərinə stimul verməyin vacibliyini vurğuladı. Şair Dəmir Gədəbəyli, Ədalət Əsgəroğlu, Kulturoloq Aydın Xan, "9 iqlim" dərgisinin baş redaktoru Xanəmir də yazarlara öz xoş diləklərini yetirdilər.
Tədbirdə iştirak edən çıxışçılar artıq ədəbiyyatda iddialı gənclər ordusu gəldiyini vurğuladılar.
Sonda tədbir bədii proqramla davam etdi.
Şərhlərə görə (0 göndərilib)
