Türkiyənin Yalova şəhərində XII Türk boyları festivalı başlayıb. Yalovanın mərkəzindəki Barış Manco adına teatrda kecirilən festivalın açılış törənində şəhər valisi Məhmət Ərsoy, Böyük Birlik Partiyasının başqan yardimçısı Əkrəm Alpatlı, TÜRKSOY-un başqanı Düsen Kaseinov və Yalova Folklor Mərkəzinin başçısıi Özər Koyuncu çıxış edib. SİA-nın Mıdıniyyıt vı Turizm Nazirliyinin mətbuat xidmətindən aldığı bilgiyə görə, natiqlər artıq on ikinci dəfədir keçirilən bu sənət bayramının türkdilli ölkələr arasında tarixi bağların daha da möhkəmlənməsinə xidmət etdiyini vurğulayıblar.
Sumqayıt şəhərinin “Xəzri" mahnı və rəqs kollektivinin də iştirak etdiyi festivalda Qazaxıstan, Qırğızıstan, Krım, Makedoniya, Tatarıstan, Rumıniya, Quzey Kıprız, Kabarda-Balkardan gəlmiş folklor qrupları qədim türk boylarına məxsus mahnı və rəqsləri ifa edəcəklər.
Festival çərşivəsində keçiriləcək türk xalqları jurnalistlərinin görüşündə Azərbaycanı "Mədəniyyət" qəzetinin baş redaktoru Nigar Mənsimova təmsil edəcək. TÜRKSOY-un təşkil etdiyi türk xalqları rəssamlarlnln əsərlərindən ibarət sərgidə isə Azərbaycan rəssamlarının işləri də nümayiş olunacaq. Qeyd edək, festival iyulun 24-də başa çatacaq.
(Qaynaq: SİA)
Şərhlərə görə (0 göndərilib)
YENİLİKLƏR