Türkiyənin sayılıb-seçilən bəstəkarları seçimini gənc müğənni ilə edib
TRT-nin “Sən türkünü söylə” müsabiqəsindən sonra Türkiyədən bir çox layihə təklifləri alan Samir Piriyev sözügedən layihələrdən birini təhvil verməyi planlaşdırır. Bu barədə müğənni özü Lent.az-a açıqlama verib: “Artıq Türkiyədə hazırladığım albomumu təqdim etməyi planlaşdırıram. İnşallah , albomum Ramazan ayı öncəsi işıq üzü görəcək. Hələlik “Ceyhan” musiqi şirəkti ilə müqaviləni gözdən keçirirəm. Şərtlər qane etsə, elə həmin şirkətdə albomum işıq üzü görəcək”.
Samir yeni albomunda Türkiyənin sevilən sənətçiləri Fatih Kısaparmak və Nuray Hafiftaşdan dəstək gördüyünü də deyib: “Albomumda Azərbaycan mahnıları ilə yanaşı, onlardan da mahnı almışam. Bundan başqa, öz yazdığımı mahnıları da albomuma daxil etmişəm”.
Piriyev albom hazırlığı içində olduğu üçün Zerrin Özerlə duetinin hələlik təxirə düşdüyünü, lakin reallaşacağını əlavə edib.
(Qaynaq: Lent.az/Lalə Yusifqızı)
Şərhlərə görə (0 göndərilib)
YENİLİKLƏR