Türkiyədə turizm cənnəti olan Antalyanın Kəmər rayonunda dənizdə sahil sularında aparılan axtarışlar zamanı arxaik, Roma, Bizans və Osmanlı dövrlərinə aid əşyalar və tunc dövrünə aid daş alətlər aşkarlanıb.
Lent.az-ın Türkiyə mətbuatına istinadən yaydığı məlumata görə, su altındakı bu mədəniyyət xəzinəsinə daxil olan bütün əsərlərin koordinatları götürülüb, şəkilləri kosmosdan çəkilib.
Qeyd edək ki, sahil sularında axtarışlara Selcuk Universitetinin sualtı arxeoloji bölməsi rəhbərlik edib. Türkiyə Mədəniyyət və Turizm Nazirliyinin təlimatıyla Antalya Muzeyinin bir əməkdaşı da araşdırmalara qatılıb.
Türk arxeoloqları hesab edirlər ki, yeni tapılan sualtı mədəniyyət xəzinəsi Kəmər rayonunun turizm potensialının daha da artmasında, sənətə qiymət verən insanların bu əsərlərə baxmaq üçün bu yerlərə axışmasında önəmli rol oynayacaq. Artıq sualtı turizmin təşkili üçün hazırlıq işlərinə də başlanılıb.
(Qaynaq: LENT.AZ)
Şərhlərə görə (0 göndərilib)
YENİLİKLƏR