Dünya Gənc Türk Yazarlar Birliyi (DGTYB) «Türkün səsi» toplusunun yeni- 8-ci sayını nəşr etdirib. Toplunun bu sayında Azərbaycan, Bolqarıstan, Qazaxıstan, İraq (Kərkük), Tatarıstan, Türkiyə və Rumıniyadan 26 müəllifin elmi məqalələri, ədəbiyyat, mədəniyyət və türkologiyaya aid araşdırma və incələmə- tanıtım yazıları (toplam 28 məqalə) verilib. Bu barədə SİA-ya DGTYB Mətbuat Xidmətindən məlumat dərc olunub.
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyələşdirdiyi layihə çərçivəsində işıq üzü görən toplunun tərtibçiləri Əkbər Qoşalı və Rəsmiyyə Sabir, elmi redaktoru prof. dr. Nizami Cəfərov, redaktorları isə Elçin İsgəndərzadə və Namiq Hacıheydərlidir.
Qeyd edək ki, «Türkün səsi»nin ilk sayı 1999-cu ildə işıq üzü görüb. Toplunun indiyə qədər çıxmış saylarından ikisi poeziya, biri nəsr və publisistika, dördü isə qarışıq mətnlərdən ibarət olub.
«Türkün səsi»nin bu sayı «Vektor» Nəşrlər Evində işıq üzü görüb.
Şərhlərə görə (0 göndərilib)
YENİLİKLƏR