AYB-75!

 Sabah Azərbaycan Yazıçılar Birliyinin (AYB) və “Ədəbiyyat qəzeti”nin 75 illik yubileyi ilə bağlı tədbirlərə start veriləcək. Səhər birlik üzvləri və dünyanın 27 ölkəsindən gəlmiş qonaqlar Fəxri Xiyabanı və Şəhidlər Xiyabanını ziyarət edəcəklər. Daha sonra Bakıdakı Park İNN otelində qonaqların və təmsil olunan ölkələrin böyükelçilərinin iştirakı ilə “Sərhədsiz söz” III Beynəlxalq Yazıçılar Forumunun açılış törəni keçiriləcək. Günün sonunda M.Maqomayev adına Filarmoniyada uluslararsı Şeir Festivalı düzənlənəcək.

 Dekabrın 16-da isə Gənc Tamaşaçılar Teatrında birliyin və “Ədəbiyyat qəzeti”nin 75 illik yubileyi təntənəli şəkildə qeyd ediləcək. 

 Qeyd edək ki, AYB-nin və “Ədəbiyyat qəzeti”nin yubileyi Azərbaycan Prezidentinin sərəncamına əsasən dövlət səviyyəsində qeyd olunur. Yubiley tədbirləri çərçivəsində bir neçə nəşr, o cümlədən rus dilində üç cildlik “Azərbaycan poeziyası antologiyası” işıq üzü görmüşdür.